गडहिंग्लज : अल्पवयीन मुलीवर अत्याचार केल्याच्या प्रकरणात दोषी ठरल्याबद्दल संदीप विष्णू हाजगोळकर (रा. ब्राम्हण गल्ली, चंदगड) याला १० वर्षांचा सश्रम कारावास, २० हजार दंड, दंड न भरल्यास एक वर्षे सश्रम कारावासाची शिक्षा ठोठावण्यात आली. येथील अतिरिक्त जिल्हा व सत्र न्यायाधीश ओंकार देशमुख यांनी हा निकाल दिला. सरकारतर्फे अॅड. एस. ए. तेली व अॅड. डी. एल. मोरे यांनी काम पाहिले. दरम्यान, २० हजार रुपये दंडातील १० हजार रुपये पीडित मुलीला देण्याचे आदेशही न्यायालयाने दिले आहेत.