कोल्हापूर : पूर्वीची नाटकं म्हणजे एकाहून एक सरस स्टारकास्ट. त्यातही विनोदी ढंगातील प्रयोग असला की अफलातून मनोरंजनाची मेजवानी. प्रसिद्ध अभिनेते अविनाश खर्शीकर ज्या नाटकांत भूमिका करायचे त्या नाटकांत तर अभिनय आणि ‘ओव्हरटेक’ची अक्षरशः जुगलबंदी अनुभवायला मिळायची... श्री. खर्शीकर यांच्या निधनानंतर अशा आठवणींना आज पुन्हा उजाळा मिळाला.
संगीतसूर्य केशवराव भोसले नाट्यगृहातील नाट्यप्रयोग असोत किंवा विविध चित्रपटांचे शूटिंग यानिमित्ताने त्यांनी येथील अनेकांशी स्नेह जपला.‘तुझं आहे तुझपाशी’, ‘माझी बायको, माझी मेहुणी’, ‘सौजन्याची ऐंशीतैशी’ आदी नाटकातील श्री. खर्शीकर यांच्या भूमिकांना रसिकांचा मोठा प्रतिसाद मिळाला. या प्रयोगांना हाऊसफुल्ल गर्दी असायची. साऱ्या नाट्यगृहात सलग अडीच-तीन तास अक्षरशः हास्याचा खळखळाट निर्माण व्हायचा, अशी आठवण ज्येष्ठ नाट्यवितरक आनंद कुलकर्णी यांनी सांगितली.
अविनाश खर्शीकर यांनी चित्रपट, मालिका, रंगभूमी अशा तिन्ही माध्यमांमध्ये काम केलं होतं. १९७८ मध्ये 'बंदिवान मी या संसारी' या चित्रपटाद्वारे अविनाश यांनी सिनेसृष्टीतील कारकिर्दीला सुरुवात केली होती. त्यांनी बकुळा नामदेव घोटाळे, घायाळ, लपवाछपवी, माफीचा साक्षीदार जसा बाप तशी पोरं, आधार, आई थोर तुझे उपकार, माझा नवरा तुझी बायको, चालू नवरा भोळी बायको, यांसारख्या अनेक चित्रपटांमध्ये खूप चांगल्या भूमिका साकारल्या. होत्या तुझं आहे तुजपाशी, सौजन्याची ऐशी तैशी, वासूची सासू, अपराध मीच केला, दिवा जळू दे सारी रात, लफडा सदन ही त्यांची नाटकं तर प्रचंड गाजली होती.
संपादन- अर्चना बनगे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.