इचलकरंजी: यंत्रमाग कामगाराचा मुलगा पंकज खोत हा खडतर परिस्थितीत सी. ए. परीक्षेत उत्तीर्ण झाला. महापूर, लॉकडाउन यातून उद्‍भवलेल्या अनेक समस्यांना तोंड देत त्याने यश मिळवले.
पंकज याची घरची परीस्थिती अत्यंत हलाखीची आहे. वडील सुरेश खोत हे यंत्रमागावर काम करतात. आई वैशाली खोत यांनी इंदिरा महिला सूत गिरणी येथे काम करीत मुलांना शिकवले. बहीण पल्लवी हिने एमबीएचे शिक्षण पूर्ण केल्यानंतर नोकरी करत पंकजला मार्गदर्शन केले. सीए होण्यासाठी परीक्षा देण्यास प्रोत्साहित केले. प्रतिकूल परिस्थितीत कुटुंबीयांच्या दैनंदिन कामकाजात हातभार लावत पंकज कठीण परिस्थीतून सी.ए. ही परीक्षा उत्तीर्ण झाला आहे.
पंकज राहण्यास गावभाग येथे आहे. जुलै २०१९ व २०२१ मध्ये आलेल्या महापुरामध्ये त्याचे शालेय साहित्य वाहून गेले. त्याचे प्रचंड नुकसान झाले. यातून त्याला सावारायला वेळ लागला. हातावरचे पोट असल्याने कुटुंबाकडे लक्ष देऊन त्याने अभ्यासाची जिद्द व चिकाटी सोडली नाही. अभ्यासात प्रावीण्य दाखवत कष्टाने संकटांना सामोरे जात सी. ए. परीक्षेत यश मिळवले. व्यंकटेश महाविद्यालयातून त्याने बी. कॉम.ची पदवी पूर्ण केली. सी. ए. पूर्ण झाल्यानंतर आई-वडिलांचे सर्व स्वप्न पूर्ण करणार असून सामाजिक हित जोपासत सर्वसामान्यांना मदत करीत राहणार असल्याचे सांगितले. त्याच्या यशाबद्दल आमदार प्रकाश आवाडे यांच्याहस्ते सत्कार केला. राहुल नडाळे, विनायक कामते यांनी मराठा व्यवसाय संघातर्फे त्याचा सत्कार केला. त्याला सी. ए. नरेंद्र पुरोहित, सी. ए. श्रीमधंर व्हनवाडे , कै. सी. ए. भालचंद्र सादळे, संग्राम नरके, संदीप नरके, सागर खोत, वैभव खोत, सारिका चव्हाण, मनस्वी सादळे, देवमोरे आदींचे मागदर्शन लाभले
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
