Kolhapur Muncipal : वसुली कागदावर, तुटीची छाया विकासावर; अंदाजपत्रकात नियोजनाचा अभाव उघड

कोल्हापूर : अंदाजपत्रकात जमेचे वार्षिक उद्दिष्ट दाखवले जात असले तरी, त्याच्या वसुलीचे वार्षिक नियोजन नसल्याने महापालिकेला प्रत्येक वर्षी तुटीचा सामना करावा लागत आहे. ही तूट विकासकामांचे नियोजन बिघडवत असून, त्याचा परिणाम शहरवासीयांना भोगावा लागत आहे. .यासाठी एक एप्रिलपासूनच सरत्या वर्षातील थकबाकीदारांच्या पाठीमागे लागण्याबरोबरच प्रशासनाकडून काही कामात पुढाकार घेतल्यास तुटीचा आकडा निश्चितच कमी होऊ शकतो. त्याचबरोबर छोट्या-छोट्या बाबीतून मिळणारे उत्पन्न पदरात कसे पाडून घेता येईल, याचेही सूक्ष्म नियोजन करून त्याची जबाबदारी निश्चित करावी लागेल..Kolhapur Muncipal : प्रशासनाचे करवाढीचे संकेत; सभागृहाच्या कोर्टात चेंडू, महापालिका अंदाजपत्रकासाठी तयारी.गेल्यावर्षीपेक्षा दहा टक्के वाढ गृहित धरून उत्पन्नाचे आकडे तयार करायचे. ते आकडे गाठण्यासाठीची प्रशासनाची तयारी अंधारात राहते, याकडे फारसे लक्ष दिले जात नाही. वर्षातील या उत्पन्नातील निम्मा भाग शेवटच्या दोन महिन्यांत जमा होतो. परिणामी अंदाजपत्रकात पकडलेले कामांचे नियोजन पुढे सरकत राहते. सुविधांसाठी नागरिकांना प्रतीक्षा करावी लागते. त्यामुळेच अंदाजपत्रकातील अनेक प्रकल्प चालतच राहतात..यासाठी वर्षांनुवर्षांचे व ज्या-त्या वर्षीचे असे दोन प्रकार थकबाकीदारांचे आहेत. वर्षानुवर्षे असलेल्यांना विभागाकडून शेवटच्या टप्प्यातच गाठले जाते. त्यात फार यश येत नाही. त्यांना कर भरला नाही तर काही होत नाही, हे महापालिका काही कारवाई न करून सांगत राहते. दुसऱ्या प्रकारातील त्या वर्षातील थकबाकीदार काही कारणांमुळे होतात. .Nashik Municipal Corporation : नाशिक महापालिकेच्या तिजोरीवर ६०० कोटींचा भार; नव्या अंदाजपत्रकात प्रशासनाची 'तारेवरची कसरत'.त्यांच्याकडे एप्रिलपासूनच पाठपुरावा केला तर ती थकबाकी पहिल्या दोन महिन्यांत मिळू शकते; पण त्याचवेळी महापालिकेची यंत्रणा जे भरतील ते भरतील असे म्हणत सुस्त होते. अगदी छोटे प्रयत्नही मोठी मदत होऊ शकते. नगररचना विभाग जसा बांधकाम परवानगीसाठी कॅम्प लावते, त्याप्रमाणे घरफाळा विभागाने नवीन घरफाळा लावण्याचे आवाहन करत कॅम्प जाहीर केला तर त्यातून मोठे उत्पन्न मिळेल. त्यासाठी विभागीय कार्यालयनिहाय काम केले पाहिजे. .अनेक थकबाकीपाठीमागे भावाभावातील वाटणीप्रमाणे घरफाळा लावलेला नाही, वारसांच्या नावाने येत नाही अशी विविध कारणे आहेत. त्यामुळे त्या मिळकतीचा घरफाळाच जमा केला जात नाही. अशी प्रकरणे निकाली काढून त्यातून उत्पन्न मिळवता येते. .झोपडपट्टीमधूनही काही उत्पन्न मिळू शकते. काही महिन्यांनी कर्मचारी कमी होणार आहेत हे माहिती असूनही तिथे काही मार्ग काढले जात नाहीत. त्यातून उपलब्ध यंत्रणा जोमाने काम करत नाही. यासाठी प्रशासनाकडून उपाय आवश्यक आहेत..अधिकाऱ्यांची विभागनिहाय नेमणूकसध्या वर्ग एकमधील अधिकाऱ्यांची मुबलक संख्या आहे. त्यांच्याकडे काही विभागांची जबाबदारी दिली आहे; पण त्यापलीकडे जाऊन उत्पन्नाच्या काही विभागांची जबाबदारी विशिष्ट अधिकाऱ्यांकडे देणे गरजेचे आहे. जेणेकरून त्यावर लक्ष ठेवण्याबरोबरच वसुलीचा आढावा प्रत्येक महिन्याला घेता येईल. जेणेकरून शेवटच्या टप्प्यात मिळणारा निधी वर्षभर उपलब्ध होऊन विकासाचे नियोजन राबवता येऊ शकेल..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Kolhapur Muncipal : वसुली कागदावर, तुटीची छाया विकासावर; अंदाजपत्रकात नियोजनाचा अभाव उघड

Related Stories