वेलींनी कोल्हापूर सजवण्याचा निर्धार; सतेज पाटलांच्या हस्ते 'या' मोहिमेला प्रारंभ

कोल्हापूर : विविध वेलींनी कोल्हापूर शहर(Kolhapur City) सजवून पर्यावरणाचा समतोल राखण्याचा निर्धार आज कोल्हापूरकरांनी केला. आपापल्या परिसरात वेली आणि झाडे लावून या उपक्रमात विविध संस्था, संघटनांसह वैयक्तिक कुटुंबांनीही स्वयंस्फूर्त सहभाग नोंदवला. दरम्यान, पालकमंत्री सतेज पाटील(Satej Patil) यांच्या प्रमुख उपस्थितीत सकाळ कार्यालयासमोर प्रातिनिधीक वेली लावून या मोहिमेला प्रारंभ झाला. कोरोनाच्या पार्श्वभूमीवर आवश्यक सर्व नियमांचे पालन करतच शहरातील विविध ठिकाणी मोहिमेत कोल्हापूरकर सहभागी झाले. (come-on-lets-plant-campaigning-start-in-kolhapur)

सकाळ माध्यम समूहाचे संपादक संचालक श्रीराम पवार यांनी प्रास्ताविकात मोहिमेचा उद्देश सांगितला. ते म्हणाले, ‘‘गेली दहा वर्षे ‘सकाळ'च्या माध्यमातून कोल्हापूरसह राज्यभरात झाडे लावून त्यांचे जतन व संवर्धनासाठी पुढाकार घेतला. मात्र, आता कमीत कमी जागेत अधिक हिरवे आच्छादन निर्माण करणेही गरजेचे असून त्यासाठी ‘चला, वेली लावूया‘ मोहिमेला प्रारंभ झाला असून लोकांचा मोठा प्रतिसाद मिळतो आहे.‘‘

हेही वाचा- यंदाचा शिवराज्याभिषेक सोहळा ३४७ वर्षांपूर्वीच्या ऐतिहासिक शिवकालीन 'सुवर्ण होनाने' होणार: संभाजीराजे

कार्यक्रमाला ‘सकाळ'चे निवासी संपादक निखिल पंडितराव, उपसरव्यवस्थापक रविंद्र रायकर, वरिष्ठ वितरण व्यवस्थापक महेश डाकरे, विज्ञान प्रबोधिनीचे उदय गायकवाड, निसर्गमित्र संस्थेचे अनिल चौगुले, प्राचार्य डॉ. महादेव नरके आदी यावेळी उपस्थित होते.