कोल्हापूर विमानतळावर कोरोना वायरस प्रतिबंधात्मक उपाय योजना...

कोल्हापूर - जगभर थैमान घातलेल्या कोरोना वायरस चे भारतात ही रुग्ण आढळल्यानंतर संपूर्ण देशभर प्रतिबंधात्मक उपाययोजना केल्या जात आहेत. कोरोना व्हायरसचा प्रसार देशी-विदेशी प्रवाशांमुळे विमानतळावरून होण्याची शक्यता जास्त असल्यामुळे उजळाईवाडी, कोल्हापूर येथील विमानतळावर कोरोना प्रतिबंधात्मक उपाय योजना केल्या जात असून यासाठी विमानतळ प्राधिकरणामार्फत कोरोना वायरस लक्षणे व प्रतिबंधात्मक उपाय याविषयी माहिती देणारे फलक लावण्यात आले आहेत. त्याचबरोबर कर्मचाऱ्यांना मास्क देण्यात आले आहेत.

विमानतळ सर्वाधिक संवेदनशील

कोरोना वायरस चा प्रसार देशी विदेशी पर्यटकांवर होण्याची शक्यता जास्त असल्यामुळे विमानतळावर विशेष प्रतिबंधात्मक उपाययोजना करण्याची गरज असून कोल्हापूर विमानतळावर काही मोजक्याच कर्मचाऱ्यांनी मास्क घातलेले होते.

विमानतळ लावण्यात आले सूचना फलक

भारतीय विमानतळ प्राधिकरण यांनी कोरोना वायरस  याच्या विषयी माहिती देणारा फलक लावलेला असून यामध्ये कोची प्राथमिक लक्षणे, कोरोनाची  गंभीर लक्षणे व कोरोना व्हायरस पासून घ्यावयाची खबरदारी याविषयी या फलकाद्वारे माहिती देण्यात आली असून प्रतिबंधात्मक उपाययोजना करण्याची माहितीही या फलकांवर ती ग्राफिक च्या स्वरूपात दिली आहे.