कोल्हापूर - शक्तिपीठ महामार्गविरोधात १२ मार्चला मुंबई येथे विधिमंडळावर गळफास मोर्चा काढण्याचा निर्धार गुरुवारी १२ जिल्ह्यातील शेतकऱ्यांच्या राज्यव्यापी बैठकीत करण्यात आला. दरम्यान, महाविकास आघाडीच्या माध्यमातून विधिमंडळात हा विषय ताकदीने मांडू, अशी ग्वाही देत हा प्रकल्प कंत्राटदारधार्जिणा आहे, असा आरोप काँग्रेसचे जिल्हाध्यक्ष आमदार सतेज पाटील यांनी केला.
राजर्षी शाहू स्मारक भवन येथे शक्तिपीठ महामार्ग विरोधी संघर्ष समितीतर्फे राज्यव्यापी बैठकीचे आयोजन करण्यात आले होते. यावेळी ते अध्यक्षस्थानावरुन बोलत होते.
पाटील म्हणाले, ‘शक्तिपीठ महामार्ग हा शेतकऱ्यांना देशोधडीला लावणारा आहे. विधानसभा निवडणुकीपूर्वी तत्कालीन मुख्यमंत्र्यांसह मंत्र्यांनी कोल्हापुरपुरता हा महामार्ग रद्द केल्याचे सांगितले होते. परंतु निवडणूक झाल्यानंतर सर्वांच्याच भाषेत फरक पडला आहे. कोल्हापुरात शिवसेनेचे एक आमदार समर्थनार्थ बैठक घेतात, तर पालकमंत्री विरोध करतात, असे चित्र आहे. ब्रिटिशांच्या फोडा व राज्य करा, या नीतीप्रमाणे सरकारकडून फूट पाडण्याचे प्रयत्न सुरू आहेत.’
‘स्वाभिमानी’ चे गोदावरी नदीपात्रात उपोषण
लिमला (जि. परभणी) - पीकविम्याची थकबाकी मिळावी तसेच शक्तिपीठ महामार्गाला विरोध दर्शविण्यासाठी स्वाभिमानी शेतकरी संघटनेच्या कार्यकर्त्यांनी गुरुवारी देऊळगाव (दुधाटे)येथे गोदावरी नदीच्या पात्रात तराफ्यावर उपोषण सुरू केले. राज्य सरकार आणि पीकविमा कंपनीचे लक्ष वेधण्यासाठी हे अभिनव आंदोलन करण्यात येत आहे.
विविध ठराव
१२ मार्च रोजी विधानसभेवर मोर्चा काढणे
‘आमचे गाव आमचे सरकार’ असे आंदोलनाचे सूत्र राबविणे
दुसरी विभागीय परिषद लातूर व तिसरी वसमत-हिंगोली येथे अनुक्रमे मार्च व एप्रिल महिन्यामध्ये घेणे
बारा जिल्ह्यांतून भविष्यात संघर्ष यात्रा काढणे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.