Firefighters worked for five hours to control a massive fire that broke out in a cotton warehouse in Ichalkaranji, causing damage worth 80 lakh rupees.Sakal
कोल्हापूर
Fire at cotton warehouse : इचलकरंजीत कापूस गोदामाला आग: ८० लाखांचे नुकसान; पाच तासांच्या प्रयत्नांनंतर आग आटोक्यात
Kolhapur News : गोदामाचे पत्रे फोडून धुराला वाट मोकळी करण्यात आली. आगीचा भडका इतका तीव्र होता की, पाण्याचा मारा थांबला की आग वेगाने पसरत होती. आगीने परिसरातील इतर व्यावसायिक आणि रहिवाशांमध्ये घबराट पसरली होती.
इचलकरंजी : सांगली रोड मार्गावरील आसरानगर बसस्टॉप समोरील कापूस गोदामाला आज भीषण आग लागून सुमारे ८० लाखांचे नुकसान झाले. भर दुपारच्या उन्हात लागलेल्या या आगीने काही क्षणांतच रौद्र रूप धारण केले. इचलकरंजी महापालिका आणि हातकणंगले नगरपरिषद अग्निशमन दलाच्या सुमारे ९ बंबांनी सलग पाच तास पाण्याचा मारा करून आग नियंत्रणात आणली.