Gadhinglaj Road Accident: पत्नीचे अपघाती निधन, दोन महिन्यांत पतीचाही अपघातात मृत्यू, वर्षभरात कुटुंबातले पाच जण गमावल

महागाव: दोन महिन्यांपूर्वी पत्नीचे अपघाती निधन झाले. त्यातून अद्याप सावरले नसतानाच आज पतीचाही अपघाती मृत्यू झाला. तानाजी बापू पाटील (वय ४५, रा. हरळी खुर्द, ता. गडहिंग्लज) असे मृताचे नाव आहे. गडहिंग्लज-चंदगड राज्य मार्गावर हरळी खुर्द (ता. गडहिंग्लज) येथे त्यांना मोटारीने पाठीमागून धडक दिली. दुपारी दीडच्या सुमारास हा अपघात झाला. पती-पत्नीच्या अपघाती निधनाच्या दुर्दैवी घटनेने हरळीकर हळहळले.