'गोकुळ'चं राजकारण ढवळून निघणार; अध्यक्षपदाच्या निवडीत कोण मारणार बाजी? विधानसभा-लोकसभेची गणिते चालणार का?

कोल्हापूर : ऑगस्ट-सप्टेंबरमध्ये होणारी वार्षिक सर्वसाधारण सभा, ऑक्टोबरपासून सुरू होणाऱ्या ठरावांची जुळवजुळव आणि पुढील वर्षात होणारी निवडणूक (Gokul Dudh Sangh Election) यामुळे जिल्हा सहकारी दूध उत्पादक संघातील (गोकुळ) राजकारण आता ढवळून निघणार आहे. त्याची तयारी सुरू झाली आहे. मे मध्ये होणाऱ्या अध्यक्ष निवडीत (Gokul President Election) विद्यमान कायम राहणार की बदलणार यावरच निवडणुकीची पेरणी ठरणार आहे.