Gokul election
esakal
कोल्हापूर, : जिल्हा सहकारी दूध उत्पादक संघाच्या (गोकुळ) निवडणुकीत ‘कप-बशी’ या चिन्हासाठीच दोन्ही प्रमुख गटांमध्ये चुरस निर्माण झाली आहे. नियम व अटींची पूर्तता तपासल्यानंतर ९ ऑक्टोबरला ‘कप-बशी’चा मानकरी कोण हे ठरणार आहे. आमदार सतेज पाटील यांच्या गटाने यामध्ये आघाडी घेत सकाळी अकरा ते सव्वा अकराच्या दरम्यान तर, महायुतीच्या गटानेही दुपारी एक ते सव्वा एकच्या सुमारास संभाव्या उमेदवारांच्या सह्या घेऊन ‘कप-बशी’ चिन्हाची मागणी करणारा अर्ज निवडणूक निर्णय अधिकाऱ्यांकडे दिला असल्याची माहिती आहे.
