Mango Cashew Crop : अवकाळी हवामानाचा दुहेरी फटका; गारपीट, वादळ आणि वीज कोसळल्याने शेती व उद्योग दोन्ही संकटात

कोल्हापूर : जिल्ह्यात अनेक ठिकाणी आज गारपिटीसह वळीव पावसाने हजेरी लावली. वादळी पावसाने राधानगरी तालुक्याला अक्षरशः झोडपून काढले. तर आजऱ्यात आठवडी बाजारात तारांबळ उडाली. पन्हाळा तालुक्यातील पडसाळीत गारपिटीने नुकसान झाले. कागल तालुक्यातील म्हाकवे, आणूर, बानगे, सोनगे, हमिदवाडा, लिंगनूर कापशी तसेच अनेक भागांमध्ये आज दुपारनंतर जोरदार वादळी वाऱ्यासह वळीव पावसाची सुरुवात झाली. वादळी वाऱ्याचा वेग जोरदार होता. वीजपुरवठा खंडित होण्याच्या घटना घडल्या.