Ichalkaranji Crime News : “सूरज ढलता है, डुबता नहीं”, स्टेटस ठेवून १९ वर्षीय सुहासचा केला खून; नाजूक प्रकरणातून काटा काढल्याची चर्चा

Crime News Ichalkaranji : इचलकरंजी येथील तरुणाचा अपहरण करून निर्घृण खून करण्यात आल्याचे आज उघड झाले. सुहास सतीश थोरात (वय १९, रा. गुलाब पैलवान चाळ, भोनेमाळ) असे मृत तरुणाचे नाव आहे. हल्लेखोरांनी त्याला निपाणीजवळील देवचंद कॉलेजच्या मागील ओढ्याकाठी नेले. तेथे कोयत्याने सपासप वार करीत त्याचा खून केला. याप्रकरणी शिवाजीनगर पोलिसांनी दोघांना अटक केली आहे. तिसरा संशयित अल्पवयीन आहे. संशयितांनी खुनाची कबुली दिल्याचे पोलिसांनी सांगितले.