Kolhapur Accident : कांडगाव जवळ भीषण अपघात; एकजण जागीच ठार

हळदी - कांडगाव (ता. करवीर) येथे शासकीय धान्य वाहतूक करणारा ट्रक आणि दुचाकी यांची आज सकाळी साडे अकराच्या सुमारास जोराची धडक होवून दुचाकीस्वार जागीच ठार झाला. राजाराम गणपती कांबळे (वय ४५) (मूळ गाव तळगाव ता. राधानगरी, सध्या रा. सूर्वेनगर, कळंबा, कोल्हापूर) असे मृत व्यक्तीचे नाव असून ते कोल्हापूर शहरातील एका महाविद्यालयात कामास होते असे समजते.

धडक एकदम जोरात असल्याने राजाराम कांबळे हे जागीच ठार झाले. दरम्यान दुचाकी चालवताना ते एकटेच होते त्यामुळे त्यांच्या मृत्यूनंतर बराच वेळ त्यांची नेमकी ओळख पटली नव्हती. थोड्या वेळानंतर रस्त्यावरून जाणाऱ्या एका व्यक्तीने त्यांना ओळखले व कांबळे यांच्या नातेवाईकांना अपघाताची माहिती दिली. घटनास्थळी करवीर पोलिस ठाण्याचे कर्मचारी दाखल झाले असून त्यांनी अपघाताचा पंचनामा केला आहे.