शिरोळ : ‘जिल्हा बँकेच्या माध्यमातून शेतकरी हिताचे निर्णय घेण्यासाठी गणपतराव पाटील यांची उमेदवारी जाहीर केली आहे. शेतकरी आर्थिक समृद्ध होण्यासाठी पाटील हेच जिल्हा बँकेच्या संचालक मंडळात जाणे गरजेचे आहे,’ असे मत माजी आमदार उल्हास पाटील यांनी प्रचार दौऱ्यादरम्यान ठरावधारकांसमोर बोलत होते.
हरोली, नांदणी, जयसिंगपूर, उमळवाड, कोथळी, दानोळी, कवठेसार, तमदलगे, निमशिरगाव, चिपरी येथील ठरावधारकांच्या भेटी घेतल्या. माजी खासदार राजू शेट्टी म्हणाले, ‘‘गणपतराव पाटील यांनी विविध संस्थेच्या माध्यमातून शेतकरी हिताचे निर्णय घेऊन शेतकऱ्यांना आर्थिक सक्षम करण्याचा प्रयत्न केला आहे. ते जिल्हा बँकेच्या माध्यमातून शेतकऱ्यांसाठी विविध योजना राबवून त्यांची प्रगती कशी होईल, यासाठी प्रयत्नशील राहतील. सर्वपक्षीय नेतेमंडळींनी उभे केले आहे. तालुक्यात परिवर्तनाची लाट निर्माण झाली असून, तालुक्यातील १०० हून अधिक ठरावधारक पाठीशी आहेत.
जि. प.चे माजी बांधकाम सभापती महादेव धनवडे, विठ्ठलराव नाईक-निंबाळकर म्हणाले, ‘‘शेतकऱ्यांच्या प्रश्नांची जाण असणारा नेता जिल्हा बँकेच्या संचालक मंडळात असणे आवश्यक आहे. पाटील म्हणाले, ‘‘सर्वपक्षीय नेतेमंडळींनी मला ही निवडणूक लढविण्याचा आग्रह केला. मीही काही ठरावधारकांसोबत चर्चा केली. त्यांनीही शेतकऱ्यांचे प्रश्न सोडवण्याकरता निवडणूक लढवण्याचा आग्रह केल्याने, निवडणूक लढवणार आहे. कोणाशी माझी राजकीय ईर्षा नाही, द्वेष नाही.’’ यावेळी दिलीप पाटील, जि. प. सदस्य डॉ. अशोकराव माने, राजवर्धन नाईक-निंबाळकर, शेखर पाटील, सर्जेराव शिंदे आदी प्रमुख उपस्थिती होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
