कोल्हापूर : कोरोना प्रतिबंधात्मक लसीकरणाचे दोन डोस घेतलेल्या ज्येष्ठ नागरिक व गर्भवतींना अंबाबाई मंदिरासह इतर धार्मिक व प्रार्थनास्थळांवर भेट देण्याची मुभा दिली आहे. याची माहिती पश्चिम महाराष्ट्र देवस्थान समितीचे सचिव शिवराज नाईकवडे यांनी दिली.
कोरोना पार्श्वभूमीवर गेले दीड वर्षे धार्मिक स्थळे, प्रार्थना स्थळे दर्शनासाठी बंद होती. घटस्थापनेच्या मुहूर्तावर धार्मिक स्थळे दर्शनासाठी खुली करण्यात आली. मात्र, ६० वर्षांवरील ज्येष्ठ नागरिक व गर्भवतींना प्रवेशास बंदी होती. मात्र, कोरोनाचा संसर्ग कमी होत असल्यामुळे आजपासून ज्येष्ठ नागरिक व गर्भवतींना दर्शनास मुभा देण्याचा निर्णय शासनाने घेतला आहे.
दोन डोस झालेल्या गर्भवती आणि ६५ वर्षांवरील नागरिकांना दर्शन घेता येणार असले, तरी डोस घेऊन १४ दिवस पूर्ण होणे गरजेचे आहे. याचबरोबर या नागरिकांना ई-पास बंधनकारक असून मास्क, सोशल डिस्टन्सचा वापर, प्रवेशावेळी थर्मल स्क्रिनिंग असे कोरोना प्रतिबंधात्मक नियम पाळणे गरजेचे असल्याचे देवस्थान समितीचे सचिव शिवराज नाईकवडे यांनी सांगितले. दरम्यान, दहा वर्षांखालील मुलांना मंदिरात प्रवेशाबाबत कोणताही निर्णय झालेला नसल्याने लहान मुलांना दर्शन घेता येणार नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
