स्टॉलधारकावर जीवघेण्या हल्ल्याचा प्रयत्न; नागरिकांकडून बेदम चोप | Sakal
sakal

बोलून बातमी शोधा

 crime
स्टॉलधारकावर जीवघेण्या हल्ल्याचा प्रयत्न; नागरिकांकडून बेदम चोप

स्टॉलधारकावर जीवघेण्या हल्ल्याचा प्रयत्न; नागरिकांकडून बेदम चोप

कोल्हापूर : राजाभाऊ भेळचे मालकांवर तिघांनी जीवघेणा हल्ल्याचा प्रयत्न केला. यातील दोघांना संतप्त नागरिकांनी पकडून बेदम चोप दिला. हल्ला करण्याचा प्रयत्न करणारा मात्र तिथून निसटला. शाहू मैदान परिसरात सायंकाळी हा प्रकार घडला. त्यामुळे परिसरात तणावाचे वातावरण निर्माण झाले. याप्रकरणी गुन्हा दाखल करण्याचे काम जुना राजवाडा पोलिस ठाण्यात सुरू आहे. (Kolhapur Crime News)

याबाबत पोलिस आणि घटनास्थळावरून मिळालेली माहिती अशी, राजाभाऊ भेळ चे मालक रवींद्र शिंदे यांनी काही दिवसांपूर्वी शाहू मैदान येथील एका गाळ्यात भेळ चा स्टॉल सुरू केला आहे. चार-पाच दिवसापूर्वी अज्ञातांनी खाऊ गल्ली येथील भेळच्या गाडीवर दगड मारला होता. दरम्यान काल रात्री तिघेजण त्यांच्या स्टॉलवर भेळ खाण्यासाठी आली होते. कट्ट्यावर बसून भेळ खाताना त्यांनी आपल्याकडील शास्त्राचे प्रदर्शन ही केली होते. त्यातीलच एक संशयित आज साडे चारच्या सुमारास स्टॉलवर आला. त्याने भेळ मागितली.

हेही वाचा: हे शिवरायांचं राज्य! इथं दंडुकशाही चालणार नाही...: चित्रा वाघ

त्याच्यासोबत त्याचे दोन साथीदार इथे आले. स्टॉलवरील कर्मचाऱ्यांनी त्यांना भेळ दिली. त्यातील एक जण स्टॉल जवळच थुंकला. याची विचारणा येथील कर्मचाऱ्यांनी केली. दरम्यान एकाने आपल्याकडील शास्त्र काढून शिंदेंवर हल्ला करण्याचा प्रयत्न केला. शिंदे यांनी प्रसंगावधान राखून त्याला वेळीच ढकलून दिले. हा प्रकार पाहून परिसरातील नागरिक मदतीसाठी धावून आले. हे पाहून हल्ल्याचा प्रयत्न करणारा मात्र तिथून निसटला.

संतप्त नागरिकांनी त्याच्या दोघा साथीदारांना पकडून बेदम चोप दिला. याची माहिती मिळताच जुना राजवाडा पोलिसांनी घटनास्थळी धाव घेऊन परिस्थिती नियंत्रणात आणली. दोघा संशयितांना ताब्यात घेतले. पसार झालेल्या संशयिताचा शोध सुरू केला. घटनेची माहिती मिळताच शिंदे यांचे नातेवाईक व मित्रपरिवार आणि जुना राजवाडा पोलिस ठाण्यासमोर गर्दी केली होती.

Web Title: Kolhapur Crime News Stall Criminal Case

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Kolhapurcrime
go to top