Kolhapur GI Tag
esakal
कोल्हापूर: स्थानिक पातळीवर उत्पादित होणाऱ्या शेतीमालाला किंवा प्रक्रिया केलेल्या शेतीमालाला परदेशी बाजारपेठ मिळाल्यास शेतकऱ्यांच्या नफ्यात वाढ होऊ शकते. त्यासाठी भौगोलिक (जीआय) मानांकन महत्त्वाचे ठरते. कोल्हापुरी गुळाला जीआय मानांकन मिळाले आहे. त्याच धर्तीवर कोल्हापूरच्या पश्चिम घाटातील रानमेवा, मध, भात, नाचणी यासारख्या वैशिष्ट्यपूर्ण शेतीमालाला जीआय मानांकन मिळवून देण्यासाठी कृषी विभाग, सहकारी संस्था आणि बाजार समित्यांनी पुढाकार घेण्याची गरज आहे.
