Kolhapur Heavy Rainfall Latest Update : 8 दिवसांच्या दडीनंतर कोल्हापुरात मुसळधार! गगनबावड्यात 76 मिमी पाऊस, पंचगंगेचीही पातळी वाढली; 15 बंधारे पाण्याखाली

कोल्हापूर : जिल्ह्यातील सर्व तालुक्यांत पावसाची चांगलीच बरसात झाली असून, सरासरी १९.१ मिमी पावसाची नोंद झाली. गगनबावडा तालुक्यात २४ तासांत सर्वाधिक ७६.८ मिमी पाऊस पडला. ९ धरणक्षेत्रात अतिवृष्टी झाली असून, राधानगरी धरणातील पाणीसाठा २४ तासांत ३ टक्क्यांनी (Radhanagari Dam water level today) वाढला. काल राधानगरी धरण ७० टक्के भरले. पंचगंगा नदीची पाणी पातळी रात्री ९ वाजता २१ फूट ४ इंच होती. एका दिवसात पाणी पातळीत दीड फुटाने वाढ झाली. जिल्ह्यातील १५ बंधारे पाण्याखाली आहेत.