Latest Crime News: चुलत बहिणीची छेड काढल्याच्या कारणातून मित्राच्या मदतीने खडकेवाडा (ता. कागल) गावानजीकच्या सामाजिक वनीकरणामध्ये कागल तालुक्यातील कौलगे येथील स्वप्नील ऊर्फ पांडुरंग अशोक पाटील (वय ३०) या तरुणाचा डोक्यात दगड घालून खून केल्याची घटना उघड झाली आहे. या घटनेची नोंद मुरगूड पोलिसांत झाली आहे.
दरम्यान, पोलिसांनी तपास यंत्रणा गतिमान करत या प्रकरणाचा काही तासांतच छडा लावून आशितोष ऊर्फ छोट्या चंद्रकांत पाटील (वय २५, रा. कौलगे, ता. कागल) व सागर संभाजी चव्हाण ( वय ३४ रा. चिखली, ता. कागल) या दोघांना अटक केली आहे.