Nagaon 7/12 Land Record Bribery Case : सातबारा उताऱ्यावर नाव लावण्यासाठी 12 हजारांची लाच; हातकणंगलेत एसीबीची धाड, नागावातील दोघांना बेड्या

नागाव : सातबारा उताऱ्यावरील क्षेत्र दुरुस्ती करून नाव लावण्यासाठी १२ हजार रुपयांची लाच स्वीकारणाऱ्या खासगी व्यक्तीला लाचलुचपत प्रतिबंधक विभागाच्या पथकाने रंगेहाथ (Nagaon 7/12 land record bribery case) पकडले. नागाव (ता. हातकणंगले) येथे ही कारवाई केली. याप्रकरणी अवधूत रामचंद्र लोंढे (खासगी उमेदवार, ग्राम महसूल अधिकारी कार्यालय) आणि सूरज कुंतिनाथ सोळांकुरे (खासगी व्यक्ती, रा. शिवाजी चौक, नागाव) या दोघांविरोधात शिरोली एमआयडीसी पोलिस ठाण्यात गुन्हा दाखल करण्याची कारवाई सुरू असून, आरोपींना ताब्यात घेतले आहे.