कोल्हापूर : पुराचे ड्रोनद्वारे चित्रीकरण

कोल्हापूर : शिरोळ तालुक्‍यात नव्याने होणाऱ्या पंचगंगा व कृष्णा नद्यांवरील पुलाच्या दुतर्फा टाकलेले भराव तत्काळ काढून घ्यावेत. याठिकाणी पाणी प्रवाहित होण्यास कोणताही अडथळा निर्माण होणार नाही, याची दक्षता घ्यावी. याशिवाय, जिल्ह्यातील २७ पूर्णत: बाधित होणाऱ्या गावांतील नागरिकांचे शाळा, समाजमंदिर, सांस्कृतिक सभागृहस याशिवाय इतर ठिकाणी स्थलांतरण केले जाणार आहे. याचे नियोजन पूर्ण केले. पूरबाधित शहरी आणि ग्रामीण भागाचे ड्रोनद्वारे चित्रीकरण करून जतन केले जाईल. २०२१ प्रमाणे महापूर आल्यास यावर उपाय म्हणून जिल्हा प्रशासन व जिल्हा आपत्ती व्यवस्थापनाने नियोजन केले. ज्या-ज्या गावात ग्रामीण पाणीपुरवठ्याच्या योजनांना गळती आहे, ती युद्धपातळीवर दुरुस्त केली.

हजार लोकांमागे चार हजार

शुद्ध पाण्याच्या बाटल्या

पूरग्रस्त गावांत पाणीटंचाई जाणवू नये, यासाठी एक हजार लोकांमागे चार हजार शुद्ध पाण्याच्या बाटल्या दिल्या जाणार आहेत. यासाठी पाणीपुरवठा करणाऱ्या संस्थांची माहिती घेतली.

करवीर व शिरोळमधील पूरबाधित गावांत जनावरांची व पक्ष्यांची (पोल्ट्री) संख्या निश्‍चित करून संरक्षण देणार जनावरांना १० दिवस पुरेल एवढा चारा व औषध देणार महापूर आल्यावर पॉवर ट्रान्स्फॉर्मर बदलावा लागणार नाही

जिल्ह्यात पूरपरिस्थिती उद्‍भवल्यास सर्व खबरदारी घेण्यात येईल. त्यादृष्टीने गाव आणि तालुका पातळीवर योग्य नियोजन केले आहे.

- प्रसाद संकपाळ, जिल्हा आपत्ती व्यवस्थापन अधिकारी