Kolhapur Police Bribe Case: कारवाई टाळण्यासाठी कॉन्स्टेबलनं मागितले दीड लाख; लाच घेताना रंगेहाथ पकडले, दोन मध्यस्थही अडकले

कोल्हापूर: पोलिसांत दिलेल्या तक्रारीत मदत करण्याच्या आमिषाने दीड लाखांची मागणी त्यापैकी एक लाखाची लाच स्वीकारताना कुरूंदवाड पोलिस ठाण्याचा अंमलदार दोन पंटरांसह लाचलुचपत प्रतिबंधक विभागाच्या जाळ्यात सापडले. संतोष विश्वास साळुंखे (वय ४३, रा. शिवराज कॉर्नर, कबनूर, ता. हातकणंगले), फिरोज पापालाल बिजापुरे (४०, रा. हेरवाड), जमीर सलीम पठाण (४१, रा. कुरुंदवाड, ता. शिरोळ) अशी कारवाई संशयितांची नावे आहेत. तिघा संशयितांना न्यायालयासमोर उभे केले असता त्यांना तीन दिवसांची न्यायालयीन कोठडी देण्यात आली.