Kolhapur Rain : 'पंचगंगा' इशारा पातळी गाठणार! राधानगरीत 5.95 TMC तर 'या' 14 धरणांत किती आहे साठा? जाणून घ्या..

कोल्हापूर : जिल्ह्यात काल सायंकाळपासून पावसाचा (Kolhapur Rain Update) जोर कमी झाला आहे. मात्र, राधानगरी धरणातून (Radhanagari Dam) १२०० क्युसेक पाण्याचा विसर्ग होत असल्याने पंचगंगा नदीच्या पाणी पातळीत तासातासाला इंचाइंचाने पाणी वाढत आहे.

कसबा बावडा येथे पंचगंगा नदीची (Panchganga River) पाणी पातळी ३५ फूट ७ इंचावर गेली आहे. आणखी ३ फूट पाणी वाढल्यानंतर पंचगंगा इशारा पातळी गाठणार आहे. मध्यरात्रीपर्यंत पंचगंगा इशारा पातळी गाठेल, असा अंदाज व्यक्त केला जात आहे.

जिल्ह्यात गेल्या तीन दिवसांपासून झालेल्या धुवॉंधार पावसाने दिलासा दिला आहे. जिल्ह्यातील सर्वच धरणांची पाणी पातळी झपाट्याने वाढली आहे. राधानगरी धरणातील ८.३६ टीएमसीपैकी ५.९५ टीएमसी पाणीसाठा झाला आहे. तर, काळम्मावाडी धरणात (Kalammawadi Dam) ८.९५ टीएमसी पाणीसाठा झाला आहे.

सकाळपर्यंत ९ टीएमसी पाणीसाठा होऊ शकतो. जिल्ह्यात झालेल्या जोरदार पावसाने पेरण्यांना गती दिली आहे. ज्या पेरण्या यापूर्वी झाल्या आहेत, त्यांची कोळपणी सुरू झाली आहे. माळरानातील पिकांना मोठा दिलासा मिळून तरतरी आलेली दिसून येत आहे.

धरण एकूण क्षमता आजचा पाणीसाठा (टीएमसीमध्ये) पाण्याचा विसर्ग

• राधानगरी ८.३६ ५.९५ १३५०

• तुळशी ३.४७ १.२८ नाही

• वारणा ३४.३९ २१.२५ ९२२

• दूधगंगा २५.३९ ८.९५ नाही

• कासारी २.७७ १.८५ २५०

• कडवी २.५१ १.६७ नाही

• कुंभी २.७१ १.८५ नाही

• पाटगाव ३.७१ २.१४ नाही

• चिकोत्रा १.५२ ०.६० नाही

• चित्री १.८८ ०.८१ नाही

• जंगमहट्टी १.२२ ०.५४ नाही

• घटप्रभा १.५६ १.५६ ५१६७

• जांबरे ०.८१ ०.८२ १४६७

• आंबेओहोळ १.२४ ०.५७