परिणामी धरण उच्चतम पातळीला भरले असून याचे दोन स्वयंचलित दरवाजे खुले झाले.
राधानगरी : गेल्या दोन दिवसाच्या संततधार पावसामुळे राधानगरी (Radhanagari Dam) धरणाची पाणी पातळी वाढल्याने धरणाच्या स्वयंचलित सात दरवाजांपैकी दोन दरवाजे आज दुपारी खुले झाले. (Kolhapur Rain Update) यातून व पायथ्याच्या वीज गृहातून असे 4256 क्यूसेक पाणी भोगावती नदी पत्रात सोडले जात असल्याने नदीच्या पाणीपातळी झपाट्याने वाढली आहे. (Kolhapur Rain)
कालपासून राधानगरी धरण क्षेत्रात पावसाने जोर धरला आहे. यामुळे धरणाच्या पाणलोट क्षेत्रातून पाण्याची आवक वाढली आहे. परिणामी धरण उच्चतम पातळीला भरले असून याचे दोन स्वयंचलित दरवाजे खुले झाले. यातून प्रत्येकी 1428 व वीज गृहातून 1400 क्युसेक्स असे 4256 क्यूसेक पाणी प्रवाहित झाले आहे. धरण क्षेत्रावर 61 मिलिमीटर पावसाची नोंद झाली आहे. स्वयंचलित दरवाजे दरवाजे खुले होण्याची ही यंदाची सहावी वेळ आहे. दरम्यान काळम्मावाडी धरण 95 टक्के भरले असून 24.14 टीएमसी पाणी संचय झाला आहे. हे धरण पूर्ण क्षमतेने भरण्यासाठी केवळ सव्वा टीएमसी पाण्याची गरज आहे.
जिल्ह्यातील 7 बंधारे पाण्याखाली
दरम्यान कालापासून जिल्ह्यात पावसाची रिपरिप तर काही ठिकाणी जोरदार स्वरुपाचा पाऊस सुरु आहे. आज 8 सप्टेंबर 2021 रोजी सकाळी 10 पर्यंत 7 बंधारे पाण्याखाली गेले आहेत. सध्या कसबा बावडा येथे राजाराम बंधाऱ्याची पाणी पातळी 18 फूट 10 इंच इतकी आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
