Kolhapur Postmortem Reports,
sakal
कोल्हापूर, : आकस्मिक मृत्यूचे नेमके कारण समजावे यासाठी शासकीय रुग्णालयात शवविच्छेदन केले जाते. मृत्यूचे कारण, वेळ, घातपाताची शक्यता याची स्पष्टता येऊन अनेक गुन्हेही उघडकीस येतात. व्हीसेरा, रक्ताचे नमुने राखून ठेवून त्याचे विश्लेषण मांडले जाते. परंतु, शवविच्छेदन अहवालासाठी नातेवाईक, पोलिसांचा ‘ताकतुंबा’ सुरू आहे. केवळ दुपारी दोन ते पाच यावेळेतच ही कामे चालत असल्याने हातातील तपास बाजूला ठेवून, बाहेरील तालुक्यातून येणाऱ्या पोलिसांची फरपट होत असल्याचे चित्र शेंडापार्कात दिसून येते.
