कोल्हापूरचे पोलिस अधीक्षक डॉ. अभिनव देशमुख यांना आंतरिक सुरक्षा सेवा पदक...

कोल्हापूर - देशातील नक्षलग्रस्त आणि जोखमीच्या भागात उल्लेखनीय कामगिरी केल्याबद्दल पोलिस अधीक्षक डॉ. अभिनव देशमुख यांना केंद्र शासनाने आंतरिक सुरक्षा सेवा पदक जाहीर झाले. त्याचबरोबर इचलकरंजीचे उपअधीक्षक गणेश बिरादार व सायबर पोलिस ठाण्याचे पोलिस निरीक्षक संजय मोरे यांनाही हे पदक जाहीर झाले. जिल्ह्यातील तीन अधिकाऱ्यांना हे पदक मिळाल्याबद्दल पोलिस दलात उत्साहाचे व आनंदाचे वातावरण निर्माण झाले आहे.

वाचा - हृदयाचा ठोकाच चुकला, वडिलांसमोरच बाळाने धरले नागाचे शेपूट... व्हिडीओ होतोय व्हायरल...

पोलिस अधीक्षक डॉ. अभिनव देशमुख यांनी 2016 ते 2018 या काळात पोलिस अधीक्षक म्हणून गडचिरोलीत नक्षलग्रस्त भागात उल्लेखनीय कामगिरी केली होती. उपअधीक्षक गणेश बिरादार यांनीही नक्षलग्रस्त भागात उल्लेखनीय कामगिरी केली. पोलिस निरीक्षक संजय मोरे यांनी 2014 ते 2017 या काळात गडचिरोलीत दोन पोलिस ठाण्याचा पद्‌भार सक्षमपणे सांभाळला. त्यांच्या या कार्याची दखल घेत केंद्र सरकाराने त्यांना आंतरिक सुरक्षा सेवा पदक जाहीर केले.