कुमार गायकवाड याचा नोव्हेंबर २०२२ मध्ये टेंबलाई उड्डाण पुलाजवळ पाठलाग करून खून करण्यात आला होता.
कोल्हापूर : राजेंद्रनगर टोळीयुद्धातील गुंड व कुमार गायकवाड खुनातील मुख्य संशयित अमर सतीश माने याच्यावर कळंबा कारागृहात (Kalamba Jail) दगडाने हल्ला करण्यात आला. त्यात तो डोक्यात दगड लागून जखमी झाला. त्याचे साथीदार न्यायाधीन बंदी सुमित स्वार्थिक कांबळे व सादीक जॉन पीटर यांनाही मारहाण करण्यात आली. हाणामारी सोडविताना तुरुंगाधिकारी स्वाती लक्ष्मण जाधवर (वय ४१) जखमी झाल्या.