राधानगरी - कोनोलीत भूस्खलनामुळे घर गाडले; 2 जण दगावल्याची शक्यता

राशिवडे बुद्रुक : राधानगरी तालुक्यातील (radhanagari) कोनोली येथे भुस्खलन होऊन एक घर गाडले गेले. यात दोन व्यक्ती सापडल्याची भिती व्यक्त केली जात आहे. तुळशी-धामणी (tulashi-dhamani) परिसरातीत ढगफुटी सारख्या (heavy rain) उचांकी पावसामुळे ही घटना घडली आहे. या तालुक्यातील अनेक गावांवर अशा घटनांची टांगती तलवार आहे. (kolhapur rain update)

कोनोली (konoli) या गावांचा चहुबाजूंनी संपर्क तुटला आहे. धामणी नदीला आलेल्या पुराचे पाणी गावाच्या दोन्हीकडे असणाऱ्या ओढ्यावर आल्याने रस्ते बंद आहेत. ठिकठीकाणी रस्ते खचले आहेत. यामुळे त्या गावात जाता येत नाही. या गावातील एका घरावर भूस्खलन होऊन घराची भिंत कोसळल्याने पती-पत्नी दोघे अडकले असल्याची प्राथमिक माहिती समोर आली आहे. अद्याप काय झाले हे समजलेले नाही. गावाचे पूर्ण दळणवळण मोबाईल, टेलीफोन बंद झाल्याने वस्तुस्थिती समजणे अवघड झाले आहे. रेस्क्यू टीमला पाचारण करण्यात आले आहे, अशी माहिती तहसीलदार मीना निंबाळकर यांनी दिली आहे.

आज शुक्रवार 23 जुलै सकाळी 6 वाजता

राधानगरी धरण (radhanagari dam) परिसरात गेल्या 24 तासात विक्रमी 567 मिलीमीटर पाऊस झाला असून पाणी पातळी 341.30 फूट झाली आहे. धरण पूर्ण भरण्यासाठी 347.5 फूटाती आवश्यकता असते. आता फक्त 6 फूट पाणी कमी आहे. सर्व नदीकाठ व परिसरातील नागरिकांते स्थलांतर करणे सुरु आहे. धरणाचे दरवाजे उघडल्या नंतर पाणी पातळीत कमालीची वाढ होण्याची शक्यता आहे.