Kolhapur Young Footballers Meet Messi : वानखेडेवर ‘लय भारी’ क्षण; मेस्सीने खेळवले, टिप्स दिल्या आणि कोल्हापूरकरांचा अभिमान वाढवला

कोल्हापूर : कोल्हापूरच्या आराध्य चौगले, आर्यन पोवार, रुद्र स्वामी, तर मुलींमध्ये साक्षी नावले, दिव्या गायकवाड या पाच जणांना विख्यात फुटबॉल स्टार लिओनल मेस्सी भेटला. त्याने हस्तांदोलनासह फुटबॉलच्या प्रत्यक्ष टिप्सही दिल्या..या स्वप्नवत वाटणाऱ्या भेटीमुळे या लहानग्यांना ‘लै भारी’ वाटलं. हा ऐतिहासिक क्षण मुंबईतील वानखेडे स्टेडियममध्ये मेस्सीच्या हस्ते महाराष्ट्र शासनाच्या महादेवा प्रकल्प अनावरणप्रसंगी या पाच जणांनी अनुभवला..Football Messi India : फुटबॉलचा बादशाह मेस्सी मुंबईत, कोल्हापूरचे पाच जण मेस्सीसोबत खेळणार फुटबॉल, ‘प्रोजेक्ट महादेवा’अंतर्गत निवड.या प्रकल्पांतर्गत निवड झालेल्या १३ वर्षांखालील प्रत्येकी ३० मुला-मुलींची मेस्सीने भेट घेतली. या भेटीत त्याने या साठ खेळाडूंसोबत काहीकाळ खेळ केला. खेळातील बारकावे आणि टिप्स दिल्या. विशेष म्हणजे या पाच खेळाडूंशी हस्तांदोलन केले. .त्यामुळे सामान्य घरातील मुला-मुलींना व फुटबॉल रसिकांना त्याला पाहणे म्हणजे स्वप्नच ठरले. या ऐतिहासिक प्रसंगी महाराष्ट्रातील मुला-मुलींना भेटून त्यांना ही शिष्यवृत्ती त्याच्याहस्ते प्रदान केली. त्यांच्याशी खेळून टिप्स आणि हस्तांदोलन केले..Lionel Messi: मेस्सीसाठी स्वागत, पण भारतीय खेळाडूंची ओळख पुसली! भारतीय फुटबॉलसाठी धक्कादायक क्षण.त्यामुळे कोल्हापूरचे प्रतिनिधित्व करणाऱ्या या खेळाडूंना अभिमानास्पद आणि ‘लय भारी’ वाटले. या आनंददायी भेटीदरम्यान क्रिकेटचा देव सचिन तेंडुलकर, भारताचा फुटबॉलस्टार सुनील छेत्री, फुटबॉलस्टार लुईस सुआरेझ, रॉडिग्रो डी पॉज, अभिनेता टायगर श्रॉफ, अजय देवगण, मुख्यमंत्री देवेंद्र फडणवीस, अमृता फडणवीस, ‘विफा’चे अध्यक्ष प्रफुल्ल पटेल आदी उपस्थित होते..कोल्हापूरच्या पठ्ठ्याने नाकारली दोन लाखांची ऑफरमेस्सीने स्टेडियममध्ये काही फुटबॉल चेंडूंना किक मारून ते प्रेक्षक गॅलरीत टाकले. हा ऐतिहासिक फुटबॉल चेंडू आपल्याला मिळावा यासाठी उपस्थित प्रेक्षक आतुरतेने वाट पाहत होते. त्यातील एक चेंडू मंगळवार पेठेतील फुटबॉलप्रेमी मनोज गुरव यांनी पकडला. .विशेष म्हणजे त्यांच्यासोबत गॅलरीत बसलेल्या अनेक फुटबॉलप्रेमींनी आम्हाला हा चेंडू द्या, आम्ही तुम्हाला दोन लाख रुपये देतो, अशी ऑफर गुरव यांना दिली. मात्र, त्यांनी हा ऐतिहासिक ठेवा आहे. मला किती लाख दिले, तरी मी हा चेंडू माझ्याकडेच ठेवणार असल्याचे सांगून ऑफर धुडकावली. यातीलच एक चेंडू सचिन तेंडुलकरलाही सही करून भेट दिला..आमच्यासाठी हा ‘लय भारी’ क्षण होता. मला त्याचा खेळ पाहून त्याच्यापेक्षाही मोठं व्हायचं आहे. त्याचा खेळ पाहून माझ्यासारख्या निवडे (ता. पन्हाळा) या ग्रामीण भागातून आलेल्या मुलीसाठी हा ऐतिहासिक नव्हे, तर मला माझ्या कुटुंबासह कोल्हापूरवासीयांना आनंद देणारा क्षण आहे. या क्षणासाठी ‘आयएफएफ’चे उपाध्यक्ष मालोजीराजे छत्रपती, मधुरिमाराजे छत्रपती, प्रशिक्षक अमित शिंत्रे यांचे बहुमोल मार्गदर्शन माझ्यासाठी अत्यंत महत्त्वाचे आहे. - साक्षी नावले, युवा फुटबॉलपटू..माझ्याशेजारी साक्षात फुटबॉल लिजेंड उभा राहिला आणि जगभरातील फुटबॉल रसिकांना हा क्षण म्हणजे स्वप्नपूर्तीचा राहिला आहे. त्यामुळे मी धन्य झाले. हा क्षण माझ्यासाठी उपलब्ध करून देणारे मालोजीराजे छत्रपती, मधुरिमाराजे, प्रशिक्षक अमित शिंदे यांच्यामुळेच हे शक्य झाले. मेस्सीची एक झलक पाहण्यासाठी भारतातील फुटबॉल रसिक किती आतुर होते याची जाणीव मला वानखेडे स्टेडियमवर प्रत्यक्षात फुटबॉलचा देव खेळतो यावर माझा विश्वास बसत नव्हता. वर्णन शब्दांत करणे अशक्य होते.- दिव्या गायकवाड, युवा फुटबॉलपटू.एवढ्या मोठ्या फुटबॉलच्या देवासोबत खेळण्याचा आणि त्याच्याशी हस्तांदोलन करण्याचा डोळ्यात न मावणारा ऐतिहासिक क्षण होता. जगभरात हा देव भेटणे म्हणजे स्वप्नच आहे. मेस्सी प्रत्यक्ष माझ्यासोबत होता, यावर विश्वास बसत नव्हता. त्याच्यासोबत क्रिकेटचा देवही होता. हा क्षण तर ऐतिहासिकच म्हणावा लागेल. हे केवळ मालोजीराजे, मधुरिमाराजे यांच्यामुळेच शक्य झाले.- रुद्र स्वामी, युवा फुटबॉलपटू.हा क्षण अविस्मरणीय आणि ‘लय भारी’ वाटला. मलाही जगभरातील फुटबॉल विश्वात मेस्सीपेक्षाही मोठं व्हायचं आहे. त्याचा एक तासाचा सहवास माझ्या आयुष्याला कलाटणी देणारा ठरेल. ही संधी माझे गुरू प्रदीप साळोखे आणि मालोजीराजे छत्रपती यांच्यामुळे मिळाली. महादेवा प्रकल्पांतर्गत झालेली ही निवड मी सार्थ ठरवेन.- आराध्य चौगले, युवा फुटबॉलपटू.मेस्सी, मेस्सीचा एक घोष आणि मला तर इतकं भारी वाटलं की, या क्षणावर माझा विश्वासच बसेना. चक्क मी फुटबॉलच्या देवाला प्रत्यक्ष तेही जवळून पाहिले आणि हस्तांदोलन केले. त्याशिवाय त्याने प्रात्यक्षिक दाखवून पासही दिले. हा क्षण माझ्यासह कोल्हापूकरांसाठी अभिमानस्पद आहे.- आर्यन पोवार, युवा फुटबॉलपटू.दृष्टिक्षेपात...महाराष्ट्रात महादेवा प्रकल्प राबविण्यासाठी पुढाकार घेणारे अखिल भारतीय फुटबॉल महासंघाचे व ‘विफा’चे उपाध्यक्ष मालोजीराजे व महिला समिती सदस्या मधुरीमाराजे, तर इतर मान्यवरांसोबत राज्य नियोजन मंडळाचे कार्यकारी अध्यक्ष राजेश क्षीरसागर हेही एमसीएकडील व्यासपीठावर उपस्थित होते. .तीनशेहून अधिक फुटबॉलप्रेमींनी मेस्सीला पाहण्यासाठी वानखेडेवर उपस्थिती लावली. जयसिंगपूरच्या जैविका बियाणी, सावीर बियाणी या लहानग्यांनी ‘वुई लव मेस्सी, ‘मेस्सी द गॉट’ असा संदेश लिहिलेला फलक मैदानात झळकावत संपूर्ण मैदानाचे लक्ष वेधले. .कोल्हापूरचा फुटबॉलस्टार निखिल कदम, राष्ट्रीय प्रशिक्षक पृथ्वी गायकवाड हे प्रशिक्षक म्हणून मैदानात उपस्थित होते. त्यामुळे दोघेही मेस्सीशी हस्तांदोलन करून ऐतिहासिक क्षणांचे साक्षीदार बनले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Kolhapur Young Footballers Meet Messi : वानखेडेवर ‘लय भारी’ क्षण; मेस्सीने खेळवले, टिप्स दिल्या आणि कोल्हापूरकरांचा अभिमान वाढवला

Related Stories