कोल्हापूर : कोल्हापूर जिल्हा दूध उत्पादक संघाच्या (गोकुळ) राजकारणात काँग्रेसचे आमदार सतेज पाटील यांना सत्तेपासून दूर ठेवण्यासाठीच महायुतीचा अध्यक्ष पाहिजे, अशी टूम पुढे केल्याची चर्चा आहे. त्यातून अध्यक्षपदासाठी नविद मुश्रीफ यांची दावेदारी प्रबळ मानली जात असून, निवडणुकीच्या तोंडावर तगडा आणि सर्वमान्य म्हणून पुन्हा एकदा या पदाची धुरा विश्वास पाटील यांच्याकडे दिली जाण्याची शक्यता आहे.