कोल्हापूर: जगातील सर्वात उंच माऊंट एव्हरेस्ट शिखरावर आज करवीरकन्या कस्तुरी सावेकरने भारताचा तिरंगा फडकवला. सकाळी सहाच्या सुमारास तिने ही मोहिम फत्ते केली. तिच्यासह जगभरातील वीस गिर्यारोहकांनी एव्हरेस्ट सर केले असून या टीममध्ये ती एकमेव भारतीय आहे. याबाबतची घोषणा फेसबुक पेजवरून नुकतीच करण्यात आली. दरम्यान, सावेकर कुटुंबीयांतर्फे मोहिमेबाबतची अधिकृत माहिती सायंकाळी पत्रकार परिषद घेवून दिली जाणार आहे.
गेल्या वर्षी एव्हरेस्ट मोहिमेवर गेलेल्या कस्तुरीला खराब हवामानामुळे अगदी काही अंतरावरून खाली यावे लागले होते. मात्र, त्यामुळे न खचता तिने पुन्हा तयारी केली आणि
२४ मार्चला माऊंट एव्हरेस्ट मोहिमेसाठी ती रवाना झाली. या मोहिमेतील सरावाचा भाग म्हणून कस्तुरीने जगातील चौदा अष्टहजारी शिखरांपैकी सर्वांत अवघड व खडतर असणाऱ्या दहाव्या क्रमांकाचे शिखर माऊंट अन्नपूर्णा एक (उंची २६,५४५ फूट) निवडले आणि ते यशस्वीरित्या सर केले. वीस वर्षे सात महिन्यांची असणारी कस्तुरी हे शिखर सर करणारी जगातील सर्वांत तरुण गिर्यारोहक ठरली. त्यानंतर ती एव्हरेस्टच्या अंतिम चढाईसाठी रवाना झाली आणि आज तिने एव्हरेस्ट सर करून कोल्हापूरच्या शिरपेचात आणखी एक मानाचा तुरा रोवला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
