कोल्हापूर - दिल्ली ते हैदराबाद आणि हैदराबाद ते कोल्हापूर असा विमान प्रवास करून आलेला विमानतळावरील ठेकेदाराकडील कर्मचारीच कोरोना पॉझिटीव्ह निघाला आहे.
कोल्हापूर विमानतळावर काल सकाळी हैदराबादवरून विमानातून एकूण 17 प्रवासी आले होते. यामध्ये कोल्हापुरातील 11 तर सांगली, सातारा आणि सिंधुदुर्ग जिल्ह्यातील सहा प्रवासी होते.
कोल्हापुरातील प्रवाशांना डॉ. डी. वाय. पाटील हॉस्पीटलमध्ये दाखल केले होते. तेथे त्यांचे स्वॅब घेऊन त्यांना हॉटेलमध्ये क्वारंटाईन केले होते. आज यापैकी एकाचा स्वॅब पॉझिटीव्ह आला आहे. तो प्रवासी मुळचा कानपूरचा आहे. कोल्हापूर विमानतळाकडील कर्मचारी पुरवठा करणाऱ्या ठेकेदाराकडे तो कामगार म्हणून काम करत होता. तो हैदराबादहून आल्यामुळे त्याला तातडीने रुजू करून घेण्यास विमानतळाचे संचालक कमलकुमार कटारिया यांनी नकार दिला. त्यामुळे तो अद्याप रूजू झालेला नाही.
कोल्हापुरच्या बातम्या वाचण्यासाठी येथे क्लिक करा
दरम्यान, त्याचा स्वॅब पॉझिटीव्ह आल्यामुळे सर्वांनाच धक्का बसला आहे. त्या विमानातून आलेल्या इतरांची माहिती प्रशासनाकडून घेण्यात येत आहे. मात्र जो पॉझिटीव्ह आहे त्याच्या मागील आणि पुढील सीटवर विमानात कोणीही बसलेले नसल्याची माहिती कटारिया यांनी "सकाळ'शी बोलताना दिली.
हे पण वाचा - डॉ. आंबेडकरांचा सहवास लाभलेल्या त्या वृद्धेचे निधन
जिल्ह्यात आज आणखी सहा जणांना लागण
जिल्ह्यात आणखी सहा जणांना कोरोनाची लागण झाली आहे. आता पाॅझिटिव्ह आलेल्या रूग्णांमध्ये दिड वर्षाच्या एका मुलीसह आठ वर्षाच्या मुलीचाही समावेश आहे. या रूग्णांपैकी आजऱ्यातील तीन, शाहूवाडीतील दोन तर पन्हाळ्यातील एकाचा समावेश आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.