कोल्हापूर : जिल्ह्यातील कोरोना रुग्णांची संख्या वाढत आहे. या पार्श्वभूमीवर जिल्ह्यातील हॉटेल, रेस्टॉरंट्स, खाद्यगृहातून सुरू असणारी पार्सल सेवा रात्री ९ पर्यतच सुरू ठेवावी, असे आदेश जिल्हाधिकारी दौलत देसाई यांनी दिले. या नियमातून बस स्थानक, रेल्वे रुग्णालये व महामार्गावरील हॉटेल वगळले आहेत.
ते म्हणाले, राज्य शासनाच्या सूचनेनुसार जिल्हातील हॉटेल्स, लॉजेस (निवासी व्यवस्थेचे) १०० टक्के क्षमतेसह सुरू ठेवण्याच्या सूचना दिल्या आहेत. मात्र, यात निवास व्यवस्था नसलेल्या हॉटेल्स व रेस्टॉरंटसचा समावेश नाही. फुडकोर्टस व रेस्टॉरेंट्स यांना फक्त पार्सल सुविधा देता येईल असे आदेश दिले आहेत. त्यानुसार पोलिस अधीक्षकांनी जिल्ह्यातील हॉटेल, रेस्टॉरंटस, खाद्यगृहातील पार्सल व्यवस्था निश्चित केली आहे.
हॅंडग्लोव्हज न वापरणाऱ्यांवर दंडात्मक कारवाई
जिल्ह्यात कोरोना संसर्ग रोखण्यासाठी विविध उपाय केले जात आहे. मात्र, काही लोक रस्त्यावर थुंकणे, मास्क वापरत नाही, हॅंण्डग्लोज न वापरणे अशांवर दंडात्मक कारवाई करावी, असे आदेश जिल्हाधिकारी दौलत देसाई यांनी दिले आहे.
दंड करण्याचा अधिकार पोलिस अधीक्षक यांनी प्राधिकृत केलेल्या पोलिस अधिकारी व कर्मचारी यांना दिला आहे.
देसाई यांनी दिलेल्या आदेशा म्हटले आहे की, जिल्ह्यातील नगरपालिका, महापालिका, नगरपरिषद, नगरपंचायती व ग्रामीण भागातील ग्रामपंचायत कार्यक्षेत्रातील सर्व स्थानिक स्वराज्य संस्थाच्या कार्यक्षेत्रामध्ये रस्त्यावरील व फिरते फळ व भाजी विक्रेते, दुकानदार व व्यावसायिक आस्थापना यांच्याकडून मास्क न वापरणे, सार्वजनिक ठिकाणी थुंकणे, हॅंडग्लोज न वापरणाऱ्यांवर दंडात्मक कारवाई करावी. यामुळे, जिल्ह्यात कोरोना साथरोगाचा प्रादुर्भाव रोखण्यासाठी मदत होईल.
संपादन - अर्चना बनगे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
