Sangli Narcotics Crime: धिंडवडे...आता नशेखोरांचा ‘खाकी’वरही हात; नशेखोरांचा वाढता धुमाकूळ ः भयमुक्ती, नशामुक्तीचे ‘इव्हेंट’ ठरताहेत नुसतेच ‘फार्स’

सांगली: नशेखोर आणि गुन्हेगारी प्रवृत्तीच्या तरुणांनी शहरासह परिसरात उच्छाद मांडला असून, आता सामान्य नागरिकांसह खुद्द खाकी वर्दीवरही हात टाकण्यापर्यंत त्यांची मजल गेली आहे. पोलिस यंत्रणेचे धिंडवडे निघाले आहेत. मिरजेतील मुख्य रस्त्यावर नशेखोरांनी थेट एसटी बसवर हल्ला चढवला. एवढ्यावरच न थांबता, यावेळी मध्यस्थी करणाऱ्या एका पोलिस कर्मचाऱ्यावरही चाकूने जीवघेणा वार करण्यात आला. या खळबळजनक घटनेमुळे ‘पोलिसच सुरक्षित नसतील, तर सर्वसामान्यांचे काय,’ हा प्रश्न उपस्थित झाला आहे.