काही दिवसांपूर्वी कुंदे यांच्या घरातील कपाटाची एक चावी हरवली होती. त्या चावीचा वापर या चोरीसाठी झाल्याचा अंदाज पोलिसांनी काढला.
कोल्हापूर : परदेशी सहलीवर (Foreign Trip) गेलेल्या सेवानिवृत्त जीएसटी उपायुक्तांच्या घरातील १२ तोळे दागिने चोरीस गेल्याचा प्रकार उघडकीस आला. डुप्लिकेट चावीचा वापर करून चोरी झाल्याने माहितगाराचे हे काम असावे, असा पोलिसांना संशय होता. महिन्याभरापूर्वीच घरगडी म्हणून आलेल्या कामगारानेच ही चोरी केल्याचे पोलिस तपासात उघड झाले. याप्रकरणी निखिल राजू पाटील (वय २५, रा. विक्रमनगर) याला राजारामपुरी पोलिसांनी (Rajarampuri Police) ताब्यात घेतले आहे.