रामा जानकर सारखे अनेकजण आज शहर आणि शहराच्या मुख्य भागात खासगी सावकारी करून अनेकांना दमदाटी करीत आहेत. बळजबरीने कोऱ्या धनादेश आणि स्टॅम्पवर सह्या घेतल्या जात आहेत.
कोल्हापूर : व्याजाने पैसे देऊन व्याजापोटी शरीरसुखाची मागणी करून वारंवार बलात्कार केल्याप्रकरणी शाहूपुरी पोलिसांनी (Shahupuri Police) एकास अटक केली. रामा विठ्ठल जानकर (वय ४६,रा. शिवप्रसाद कॉलनी, कदमवाडी, कोल्हापूर) असे त्याचे नाव आहे. दारू पाजून बेशुद्ध करून छायाचित्र आणि व्हिडिओ काढून बदनामी करण्याची धमकी देऊन शारीरिक सुख घेतल्याचे फिर्यादीत म्हटले आहे.