Shaktipeeth Highway : 'शक्तिपीठ'च्या समर्थनार्थ चंद्रकांतदादा, धनंजय महाडिकांच्या नेतृत्वात आम्हीही मोर्चा काढू; आमदार शिवाजी पाटलांचा सतेज पाटील, शेट्टींना इशारा

कोल्हापूर : शक्तिपीठ महामार्गावरून विरोधकांनी मुख्यमंत्री देवेंद्र फडणवीस यांच्याबाबत (Shaktipeeth Highway latest news Maharashtra) बोलताना भान ठेवावे. महामार्गाच्या विरोधात भ्रष्टाचाराचे आरोप करणाऱ्यांनी स्वत: कंत्राटे घेऊन काम करावे, अशी उपरोधिक टीका करत शक्तिपीठ महामार्गाच्या समर्थनासाठी गरज पडल्यास उच्च व तंत्रशिक्षणमंत्री चंद्रकांत पाटील आणि खासदार धनंजय महाडिक यांच्या नेतृत्वाखाली आम्हीही मोर्चा काढू शकतो, असा इशारा आमदार शिवाजी पाटील यांनी आज मुंबईत दिला.