Shiv Sena : पक्षाशी गद्दारी का केली? संतप्त शिवसैनिकांनी धैर्यशील मानेंना ताफा अडवून विचारला जाब

सध्या राज्यातलं राजकीय वातावरण चांगलंच तापलं आहे.
Dhairyasheel Mane
Dhairyasheel Maneesakal
Summary

धैर्यशील मानेंनी गद्दारी केल्यानं अनेक दिवसांपासून शिवसैनिकांमध्ये खदखद निर्माण झाली होती.

कोल्हापूर : सध्या राज्यातलं राजकीय वातावरण चांगलंच तापलं आहे. उद्धव ठाकरे यांच्याशी गद्दारी करत शिंदे गट बाहेर पडल्यापासून शिवसैनिक या गटावर कमालीचा नाराज आहे. याचाच प्रत्यय आज पुन्हा एकदा आला.

हातकणंगले मतदारसंघाचे शिंदे गटाचे खासदार धैर्यशील माने हे आज चंदूर इथं कार्यक्रमानिमित्त जात असताना शिवसेना (उद्धव बाळासाहेब ठाकरे) गटाच्या शिवसैनिकांनी त्यांचा ताफा अडवला आणि पक्षाशी गद्दारी का केली? असा जाब त्यांना विचारला.

ही घटना आज सकाळच्या सुमारास घडली. यावेळी ठाकरे गट आणि शिंदे गटाचे कार्यकर्ते एकमेकांसमोर आल्याने बाचाबाची देखील झाली. मात्र, तातडीनं पोलिसांनी हस्तक्षेप करत कार्यकर्त्यांना बाजूला करत खासदार माने यांची गाडी पुढं मार्गस्थ केली.

Dhairyasheel Mane
DK Shivakumar : भाजपला धक्का बसणार? अनेक आमदार काँग्रेसच्या वाटेवर, प्रदेशाध्यक्षांचा मोठा गौप्यस्फोट

ठाकरे गटाचे खासदार संजय राऊत हे काही दिवसांपूर्वी कोल्हापूर दौऱ्यावर आले होते. यावेळी त्यांनी इचलकरंजीत जाहीर सभा घेत शिंदे यांच्यासोबत गेलेल्या खासदार धैर्यशील मानेंवर जोरदार टीका केली होती. यावेळी शिवसैनिक देखील आक्रमक झालेले पाहायला मिळाले होते.

Dhairyasheel Mane
Women's Day 2023 : 'जगाला हेवा वाटेल असा महाराष्ट्र घडवायचाय, त्यासाठी..'; राज ठाकरेंची महिलासांठी खास पोस्ट

धैर्यशील मानेंनी गद्दारी केल्यानं अनेक दिवसांपासून शिवसैनिकांमध्ये खदखद निर्माण झाली होती. उद्धव ठाकरे समर्थक शिवसैनिकांनी आज खासदार मानेंचा ताफा अडवला आणि पक्षाशी गद्दारी का केली? असा जाब विचारला. यावेळी शिवसैनिकांनी जोरदार घोषणाबाजीही केली. दरम्यान, पोलिसांच्या मध्यस्थीनं खासदार मानेंची गाडी पुढं मार्गस्थ करण्यात आली.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com