जयसिंगपूर : शहरातील बसस्थानकात झालेल्या अपघातात सोलापूर-कोल्हापूर जाणाऱ्या एसटीखाली चिरडून पंडित गणपती पाटील (वय ७६, रा. राशिवडे बुद्रुक, ता. राधानगरी, जि. कोल्हापूर) हे जागीच ठार झाले. आज सकाळी साडेअकराच्या सुमारास हा अपघात झाला. अपघातप्रकरणी एसटीचालक सुलेमान अकबर पटेल (सांगोला, जि. सोलापूर) याच्याविरोधात जयसिंगपूर पोलिसांत गुन्हा दाखल केला आहे. याबाबतची फिर्याद बाळकृष्ण पाटील यांनी दिली आहे.