Kolhapur Strike News : केएमटी कर्मचाऱ्यांचे साखळी उपोषण सुरू | Sakal
sakal

बोलून बातमी शोधा

strike of KMT employees
कोल्हापूर : केएमटी कर्मचाऱ्यांचे साखळी उपोषण सुरू

कोल्हापूर : केएमटी कर्मचाऱ्यांचे साखळी उपोषण सुरू

कोल्हापूर : महापालिका परिवहन (के.एम.टी.) विभागाच्या कर्मचाऱ्यांनी विविध मागण्यांसाठी आज साखळी उपोषणाला प्रारंभ केला. राज्य नियोजन मंडळाचे कार्यकारी अध्यक्ष राजेश क्षीरसागर, रिपब्लिकन पार्टी ऑफ इंडियाचे प्रा. शहाजी कांबळे यांनी भेट देऊन त्यांच्या मागण्या समजावून घेतल्या. आपल्या मागण्यांचे निवेदन त्यांनी प्रशासक डॉ. कादंबरी बलकवडे यांना दिले.

हेही वाचा: स्वातंत्र्याला ७५ वर्षे झाली तरी आपण जातव्यवस्थेच्या कचाट्यातच: हायकोर्ट

निवेदनातील माहितीनुसार, के.एम.टी कर्मचाऱ्यांनी सातवा वेतन आयोग लागू करा, रोस्टर तपासणी करा, पदोन्नती द्या, २५ टक्के पगार कपातीमधील रक्कम परत द्या या मागणीसाठी वारंवार प्रशासनाकडे अर्ज विनंती केली. मात्र, प्रत्येकवेळी प्रशासकीय अधिकाऱ्यांनी केवळ आश्वासने दिली. एकही मागणी अद्याप पूर्ण झालेली नाही. त्यामुळे अखेर के. एम. टी कर्मचाऱ्यांनी साखळी उपोषण करण्याचा निर्णय घेतला. आजपासून हे उपोषण सुरू झाले. जोपर्यंत मागण्या पूर्ण होत नाहीत तोपर्यंत हे उपोषण थांबणार नाही, असे त्यांनी निवेदनात म्हटले आहे. युनियनचे अध्यक्ष प्रमोद पाटील, अनिल कदम हे आज उपोषणाला बसले.

Web Title: Strike Of Kmt Employees

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top