तलावाच्या नादुरुस्त वॉल्वची पाटील यांच्याकडून पाहणी

वडापुरी, ता. २५ : शेटफळ हवेली (ता. इंदापूर) येथील शेतीला पाणीपुरवठा करणाऱ्या तलावाच्या नादुरुस्त झालेल्या वॉल्वची भाजप नेते व माजी मंत्री हर्षवर्धन पाटील यांनी पाहणी केली. यावेळी अधिकाऱ्यांनी वॉल्वच्या दुरुस्तीचे काम अंतिम टप्प्यात असून उन्हाळी आवर्तन लवकरच सुरू होईल, अशी माहिती हर्षवर्धन पाटील यांना दिली,
यावेळी पाटील यांनी चालू उन्हाळी आवर्तन हे टेल टू हेड पद्धतीने द्या, पाणीपट्टी वसुलीची सक्ती शेतकऱ्यांवर करू नका, अशा सूचना जलसंपदाच्या अधिकाऱ्यांना दिल्या. ब्रिटिशकालीन शेटफळ तलावातून बावडा परिसरातील ११ गावांमधील शेतीला पाणी पुरविले जाते. या गावांमधील शेतीला उन्हाळी हंगामातील आवर्तन गेली २० दिवसांपासून आवर्तन बंद आहे, त्यामुळे ऐन उन्हाळ्यात शेती पिकांचे पाण्याअभावी नुकसान होत असल्याचे पाटील यांनी यावेळी सांगितले.
यावेळी नीरा-भीमा कारखान्याचे संचालक उदयसिंह पाटील, दादासाहेब घोगरे, प्रतापराव पाटील, तानाजीराव नाईक, पवनराजे घोगरे, सचिन सावंत, अमरदीप काळकुटे, माणिकराव खाडे, शंकरराव शिंदे, संजय शिंदे, सुयोग सावंत उपअभियंता अनिल नलवडे, शाखा अभियंता के.एस.सावंत, अरुण गायकवाड उपस्थित होते.

01459