दोन गटात हाणामारी | Sakal
sakal

बोलून बातमी शोधा

दोन गटात हाणामारी
दोन गटात हाणामारी

दोन गटात हाणामारी

sakal_logo
By

यड्रावात दोन गटांत तुंबळ हाणामारी
मंडप फाडल्याचा राग; आठ जण जखमी; १२ जणांवर गुन्हा
इचलकरंजी, ता. ७ : यड्राव (ता. शिरोळ) येथील रेणुकानगर भागात दोन गटांत तुंबळ हाणामारी झाली. धार्मिक कार्यक्रमासाठी घातलेला मंडप फाडल्याच्या कारणावरून एकमेकांवर धावून जात दोन गटांत दगड, विटा फेकून हाणामारी झाली. मारहाणीत आठ जण जखमी झाले असून मंडपातील साहित्याची मोडतोड झाली आहे. शहापूर पोलिसांत दशरथ शिंदे यांच्या फिर्यादीनुसार आरीफ नदाफ, शायरा नदाफ, लैला नदाफ (रेणुकानगर) आणि अनोळखी अशा १२ जणांविरोधात गुन्हा दाखल झाला आहे. दुसऱ्या गटाकडून फिर्याद देण्याचे काम रात्री उशिरापर्यंत सुरू होते.
पोलिसांतून मिळालेली माहिती अशी- यड्राव रेणुकानगर भागात राहणारे दशरथ शिंदे यांनी धार्मिक कार्यक्रमासाठी घरासमोर मंडप घातला होता. हा कार्यक्रम सुरू असतानाच तेथे मालवाहतूक टेंपो आला. या टेंपोने मंडप फाडल्याने काहींनी त्याला विचारणा केली. यावेळी त्यांच्यात शाब्दिक वाद होऊन दोन्ही बाजूचे समर्थक जमले. दोन्ही गट एकमेकांना भिडले. त्यांच्यात दगड, विटा फेकून हाणामारी झाली आणि टेंपोचालकाच्या समर्थकांनी मंडपातील खुर्च्यांचीही मोडतोड केली. मारहाणीत दशरथ शिंदे, राकेश शिंदे, आशिष शिंदे, अनिकेत हेगडे, विद्या शिंदे, धोंडुबाई सोनुले, सौरभ सोनुले, छबाताई सोनुले जखमी झाले.
याप्रकरणी दशरथ शिंदे यांनी शहापूर पोलिसांत १२ जणांच्या विरोधात फिर्याद दिली आहे. जखमींना आयजीएम रुग्णालयात उपचारासाठी आणले असता समर्थकांनी गर्दी केली होती. दुसऱ्या गटाकडूनही फिर्याद देण्याचे काम रात्री उशिरापर्यंत सुरू होते. या घटनेनंतर रेणुकानगर भागात पोलिस बंदोबस्त तैनात केला होता.

Web Title: Todays Latest Marathi News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..