कृतज्ञता पर्व

शाहू स्मृती शताब्दीला
आजपासून होणार प्रारंभ
सकाळ वृत्तसेवा
कोल्हापूर, ता. २१ : लोकराजा राजर्षी छत्रपती शाहू महाराज स्मृती शताब्दी वर्षानिमित्त उद्यापासून (ता. २२) कार्यक्रमांना सुरुवात होत असून सुवर्ण गुजरी जत्रा होत आहे. गुजरी येथे सकाळी दहा वाजता त्याचे उद्‍घाटन होईल. जिल्हा प्रशासनातर्फे कार्यक्रमांचे आयोजन केले आहे. पारंपरिक साज, ठुशी, बुगडी, टीक, राणीहार, चिताक, शिंदेशाही तोडे अशा दागिन्यांबरोबरच देशभरातील सोने-चांदीच्या दागिने खरेदीची ग्राहकांना संधी मिळणार आहे. खरेदीत मजुरीमध्ये भरघोस सूटही असणार आहे. प्रत्येक दुकान दिवाळीप्रमाणे सजवले जाणार असून, लक्ष वेधणारी आकर्षक रांगोळी दुकानांसमोर काढण्यात येणार आहे.