चिमण्याची घरटी रंगवा स्पर्धा | Sakal
sakal

बोलून बातमी शोधा

चिमण्याची घरटी रंगवा स्पर्धा
चिमण्याची घरटी रंगवा स्पर्धा

चिमण्याची घरटी रंगवा स्पर्धा

sakal_logo
By

17368

कलेतून निसर्ग संवर्धनाकडे उपक्रमाला प्रतिसाद
चिमणीच्या घरट्यांवर अनोखी चित्रकला स्पर्धा
कोल्हापूर, ता. २४ ः "कलेतून निसर्ग संवर्धनाकडे" असा निसर्गपूरक संदेश देत आज झालेल्या चिमणीच्या घरट्यांवरील चित्रकला स्पर्धेला उत्स्फूर्त प्रतिसाद मिळाला. महापालिका, अमूज क्राफ्ट, वर्ल्ड फॉर नेचर , खोपा बर्डस हाऊस, फ्लेक्जोग्राफ , वृक्षप्रेमी वेल्फेअर ऑर्गनायझेशन आणि आभाळमाया फाउंडेशनच्या सहकार्याने वसुंधरा दिनाचे औचित्य साधून ही स्पर्धा झाली.
महाराष्ट्र जैवविविधता मंडळाचे सदस्य सुहास वायंगणकर यांनी निसर्ग व पशु- पक्षी संवर्धनासाठी उपयुक्त माहिती स्पर्धकांना दिली. स्पर्धेसाठी आलेल्या विद्यार्थ्यांच्या पालकांना महावीर गार्डनमधील सर्व झाडांची उपयुक्त माहितीही त्यांनी सांगितली. विद्यार्थी दशेत सर्वांनी निसर्गमूल्ये शिकावीत व त्याचा उपयोग दैनंदिन जीवनात करावा, असे आवाहन व्हाईट आर्मीचे अशोक रोकडे यांनी केले. स्पर्धेत पाचशेहून अधिक स्पर्धकांनी चिमण्यांची घरटी रंगवली. महाराष्ट्रात दुसऱ्यांदा व कोल्हापूर शहरात प्रथमच अशी अनोखी स्पर्धा घेण्यात आली. खोपा बर्ड हाऊसच्या सचिन शिंगारे यांनी घरट्यांबाबत मार्गदर्शन केले. वर्ल्ड फॉर नेचरच्या अभिजीत वाघमोडे यांनी चिमण्या वाचविण्यासाठीचे उपाय सांगितले. मंगेश ओतारी, अमृता ओतारी, जोतीराम चव्हाण, ओंकार चव्हाण, प्रियांका कदम, अनिल धडाम, सुशांत वाघमोडे, मानसी घोरपडे आदींनी संयोजन केले.

Web Title: Todays Latest Marathi News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top