संगीत मैफल | Sakal
sakal

बोलून बातमी शोधा

संगीत मैफल
संगीत मैफल

संगीत मैफल

sakal_logo
By

17374
कोल्हापूर ः लोकराजा राजर्षी छत्रपती शाहू महाराज कृतज्ञता पर्वानिमित्त रविवारी गुणीदास फाउंडेशन, शिवाजी विद्यापीठ संगीत व नाट्यशास्त्र विभाग आणि गायन समाज देवल क्लब यांच्या वतीने संगीत दरबार कार्यक्रम झाला. यावेळी बोलताना संजयसिंह चव्हाण.

सुमधूर गीतांनी सजली
संगीत दरबार मैफल
सकाळ वृत्तसेवा
कोल्हापूर, ता. २४ ः पियानो वादक सावनी धर्माधिकारी यांनी जादुई बोटाद्वारे वाजवलेले सुरेल पियानो, ज्येष्ठ गायक पंडित विनोद डिग्रजकर यांनी केलेले शास्त्रीय गायन, तसेच गायलेला अभंग ‘अबिर गुलाल’ तर ज्येष्ठ गायिका शीतल धर्माधिकारी यांनी गायलेली नाट्यपदे तर गायिका स्मिता घोसरवाडकर यांच्या सुरेल स्वर साजातून उमटलेल्या सुमधूर गीतांतून आज ‘संगीत दरबार’ ही संगीत मैफल आज रसिकांना ऊर्जा देऊन गेली.
गुणीदास फौंडेशन, शिवाजी विद्यापीठ संगीत व नाट्यशास्त्र विभाग, गायन समाज देवल क्लबतर्फे लोकराजा राजर्षी छत्रपती शाहू महाराज कृतज्ञता पर्वानिमित्त ‘संगीत दरबार स्वरांजली लोकराजाला’ ही संगीत मैफल ऐतिहासिक भवानी मंडपात झाली. यात शास्त्रीय गायन, वाद्य संगीत व सुगम संगीत सादर झाले.
या मैफलीच्या सुरवातीलाच सावनी धर्माधिकारी यांनी हिंदी, मराठी व इंग्रजी चित्रपटातील विविध धून पियानोद्वारे वाजवत मैफलीत रंगत भरली. वरद भोसले यांनी सतारवादन केले. त्यानंतर पंडित डिग्रजकर, शीतल धर्माधिकारी यांनी गायलेली नाट्यपदे, तसेच सावनी शिखरे व स्मिता घोसरवाडकर यांनी केलेले शास्त्रीय व सुगम गायनाने ही मैफल उत्तरोत्तर रंगत गेली. आशय कुलकर्णी (तबला), अमित साळोखे (हार्मोर्नियम), प्रदीप जिरगे (कीबोर्ड), अभिषेक पुरोहीत, स्वानंद जाधव यांनी साथसंगत केली, तर महेश्वरी गोखले यांनी निवेदन केले.

Web Title: Todays Latest Marathi News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top