२० लाख ८० हजाराची फसवणूक बातमी | Sakal
sakal

बोलून बातमी शोधा

२० लाख ८० हजाराची फसवणूक बातमी
२० लाख ८० हजाराची फसवणूक बातमी

२० लाख ८० हजाराची फसवणूक बातमी

sakal_logo
By

परताव्याच्या बहाण्याने
वीस लाखांची फसवणूक
प्लॉटचे खोटे खरेदीपत्र बनवले; जुना बुधवार पेठेतील दोघांवर गुन्हा
सकाळ वृत्तसेवा
कोल्हापूर, ता. २५ ः शेअर मार्केटमध्ये पैसे गुंतवून अधिक परतावा मिळवून देतो, असे सांगून सुमारे २० लाख ८० हजार रुपयांची फसवणूक केल्याचा प्रकार आज उघडकीस आला. याप्रकरणी नीलेश रामकुमार पाटील, पूर्वा रामकुमार पाटील (दोघे रा. २७८४, सी वॉर्ड, ढिसाळ गल्ली, जुना बुधवार पेठ) यांच्यावर फसवणुकीचा गुन्हा दाखल केला. जुना राजवाडा पोलिसांनी ही कारवाई केली.
याबाबत पोलिसांनी दिलेल्या माहितीनुसार, ललिता राजेंद्र मांगलेकर (पार्वती शंकर, २५२४, बी वॉर्ड, मंगळवार पेठ) यांनी आणि त्यांच्या पतीने नीलेश यांच्याकडे त्यांच्या सांगण्यावरून २१ लाख रुपये शेअर मार्केटमध्ये गुंतवण्यासाठी दिले. त्यांच्यात झालेल्या कराराप्रमाणे १.५ टक्के परतावा देण्याचे ठरले. ठरल्याप्रमाणे नीलेश यांनी एप्रिल २०१९ पर्यंत परतावा दिला. त्यानंतर परतावा देणे बंद झाल्याने मांगलेकर यांनी नीलेशकडे विचारणा केली. त्यानंतर झालेल्या कराराप्रमाणे २.५ टक्के परतावा देण्याचे ठरले. नव्या करारपत्राप्रमाणे नीलेश याने काही महिन्यांसाठी परतावा दिला. त्यानंतर पुन्हा परतावा देणे बंद झाले. त्यानंतर मांगलेकर यांनी उर्वरित पैशांसाठी नीलेशकडे तगादा लावला. दरम्यान, नीलेश यांनी मूळ मुद्दलातील ५ लाख रुपये परत केले. उर्वरित रक्कम कधी परत करणार याबाबत मांगलेकर यांनी नीलेशकडे विचारणा केली. त्या वेळी नीलेश आणि पूर्वा यांनी वडणगे येथील त्यांचा प्लॉट ६ लाख २५ रुपयास खरेदी करून देतो, असे सांगितले. त्याचे खोटे खरेदीपत्रही केले; मात्र चौकशी केल्यावर हा प्लॉट आधीच एकाला विकल्याची माहिती समोर आली. नीलेश याने मांगलेकरांचे एकूण २० लाख ८० हजार रुपये अद्याप देणे आहे. नीलेश आणि पूर्वा यांच्यावर गुन्हा दाखल झाला असून, पुढील तपास सुरू आहे.

Web Title: Todays Latest Marathi News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top