निकाल | Sakal
sakal

बोलून बातमी शोधा

निकाल
निकाल

निकाल

sakal_logo
By

नाशिकच्या बाळू बोडकेला सुवर्ण

नगरच्या ऋषिकेश लाडवर १०-० असा एकतर्फी विजय

लोगो
लढती वजनी गटातल्या

सकाळ वृत्तसेवा
सातारा, ता. ७ : महाराष्ट्र केसरीच्या मैदानात रात्री नऊपर्यंत झालेल्या फेऱ्यांत ८६ किलो गादी विभागात नाशिकच्या बाळू बोडके याने नगरच्या ऋषिकेश लाड याच्यावर १०-० असा एकतर्फी विजय मिळवून सुवर्णपदकाची मोहोर उमटविली. ६१ किलो वजनी गटात गादी विभागात कोल्हापूर शहरच्या विजय पाटीलने अटीतटीच्या लढतीत एका गुणांकनाच्या फरकाने सोलापूरच्या तुषार देशमुखचा पराभव केला.
६४ व्या वरिष्ठ राज्यस्तरीय अजिंक्यपद स्पर्धा व महाराष्ट्र केसरी स्पर्धेत आज अटीतटीच्या व डोळ्याचे पारणे फेडणाऱ्या कुस्त्या पाहावयास मिळाल्या. ८६ किलो वजनी गटात रौप्य पदकाचा मानकरी नगरचा ऋषिकेश लाड ठरला. कोल्हापूर जिल्ह्याचा किरण पाटील याने साताऱ्याच्या विशाल राजने याच्यावर ५-२ गुणांकनाने विजय मिळवून कास्यपदक पटकाविले. अखेरच्या क्षणापर्यंत रंगलेली पुणे शहराचा अभिजित भोईर व पुणे जिल्ह्याचा प्रतीक जगताप यांच्यात समान गुण झाले होते. यामध्ये तांत्रिक गुण व उच्चतम डावाच्या आधारावर अभिजित भोईर याला विजयी घोषित केले.
६१ किलो वजनी गटात रौप्य पदकाचा मानकरी सोलापूरचा तुषार देशमुख ठरला. कास्य पदकाच्या लढतीत पुणे जिल्ह्याच्या बाबा शेडगेने अमरावतीच्या गोविंद कावडे याच्यावर १२-० गुणांकन मिळवीत एकतर्फी विजय मिळविला. साताऱ्याच्या विशाल सूळ याने जळगावच्या करण परदेशीवर एकतर्फी विजय मिळविला.

.............

चौकट
......
माती विभागात पाथरूटला सुवर्णपदक

८५ किलो माती विभागात सोलापूरच्या श्रीनिवास
पाथरूटने सुवर्ण, साताऱ्याच्या रणजित राजमानेने रौप्य, तर मुंबई उपनगरच्या राम धायगुडेने कास्य पदक पटकाविले.

..........

Web Title: Todays Latest Marathi News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..