आत्महत्या, गर्दी

आत्महत्या, गर्दी

06049

इचलकरंजी : पंचगंगा नदीतील जलपर्णी हटविल्यानंतर महिलेचा मृतदेह मिळून आला.यावेळी नागरिकांनी मोठी गर्दी केली.
...

इचलकरंजीमध्ये पंचगंगेत
विवाहितेची आत्महत्या

इचलकरंजी, ता.१० : जलपर्णीने व्यापलेल्या पंचगंगा नदीत आज भर दुपारी एका विवाहितेने उडी घेऊन आत्महत्या केली. अंजुम मौला मुजावर (वय ४५, रा. इचलकरंजी) असे तिचे नाव आहे. सुमारे दोन तास नदीतील जलपर्णी हटवल्यावर या महिलेचा मृतदेह मिळून आला.
याबाबत अधिक माहिती अशी, गावभाग परिसरात राहणाऱ्या‍ अंजुम मुजावर या परगावी गेल्या होत्या. आज दुपारी एक वाजण्याच्या सुमारास त्या परगावाहून घरी परतल्या. पाणी पिऊन थेट त्या पंचगंगा नदीच्या दिशेने चालत गेल्या आणि लहान पुलावरून नदीत उडी घेतली. याबाबतची माहिती समजताच गावभागचे पोलिस निरीक्षक राजू ताशिलदार, शिवाजीनगरचे निरीक्षक सत्यवान हाके यांच्यासह पोलिस पथक आणि आपत्कालीन मदत विभागाच्या पथक घटनास्थळी दाखल झाले. मुजावर यांच्या नातेवाईकांनी पुलावर धाव घेतली असता चप्पल आणि नागरिकांनी केलेल्या वर्णनानवरून नदीत उडी घेतलेली महिला अंजुम मुजावर असल्याचे स्पष्ट झाले. नदीत शोध मोहिम सुरु झाली. नदीत मोठ्याप्रमाणात जलपर्णी वाढल्याने यांत्रिक बोटीच्या साहाय्याने जलपर्णी हटवण्यात आली. अखेर दोन तासांनी मुजावर यांचा मृतदेह आढळून आला. या घटनेची नोंद शिवाजीनगर पोलिस ठाण्यात झाली आहे. याबाबतची फिर्याद गौस गुलाब मुजावर (वय ५७) यांनी पोलिसांत दिली.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com