मयत वीज धक्का

सायझिंग बॉयलर दुरुस्त करताना
विजेचा धक्का लागून एकाचा मृत्यू

इचलकरंजी, ता. ३१ : सायझिंग बॉयलर दुरुस्त करताना विजेचा धक्का लागून बॉयलर कॉन्ट्रॅक्टरचा मृत्यू झाला. विजय यल्लाप्पा चौगुले (वय ४३, रा. भोनेमाळ) असे त्यांचे नाव आहे. ही घटना गुरुवारी दुपारच्या सुमारास घडली. याबाबतची नोंद शिवाजीनगर पोलिस ठाण्यात झाली.
गणेशनगरमधील बाळकृष्ण सायझिंगमध्ये चौगुले हे बॉयलर दुरुस्ती कॉन्ट्रॅक्टरचे काम करतात. दुरुस्तीचे काम करताना अचानक त्यांना विजेचा जोरदार धक्का बसला. या अपघातात ते जागीच कोसळले. उपचारासाठी आयजीएम रुग्णालयात दाखल केले. मात्र, उपचारापूर्वीच त्यांचा मृत्यू झाल्याचे वैद्यकीय अधिकाऱ्यांनी सांगितले.

चौकट
मुलासोबत जाणे थांबलेच
चौगुले यांचा मुलगा नौदलामध्ये भरतीसाठी जाणार होता. त्यामुळे सोबत जाण्यासाठी काम लवकर आटोपण्यासाठी चौगुले प्रयत्न करत होते. मात्र, मुलासोबत जाणे थांबले आणि ऐन दिवाळीत त्यांच्यावर काळाने घाला घातला.